UVIÉU, 12 de Mayu (EUROPA PRESS)
La Xunta pola Defensa de la Llingua llamó güei "demagogu y irresponsable" al secretariu d'organización de la FSA, Benjamín Gutiérrez, por comparar la reivindicación de la oficialidá con "creer o non creer en Dios".
Al traviés d'un comunicáu, la Xunta afirma que se trata de "una argumentación" propia d'un demente, y entruga a Benjamín Gutiérrez si "cree nos derechos de los asturianos o nun cree nellos, y si cree que los falantes de la llingua asturiana tienen de siguir teniendo la suerte de ser ciudadanos de segunda".
Niega qu'exista la "llinia d'obligatoriedá de la que fala la FSA". "Ye una pantasma cola que se pretende crear dudes nuna población mayoritariamente favorable a la reconocencia de los derechos llingüísticos, como amuesen toles encuestes". "Cualquier sociedá avanzao, cualquier comunidá respuede con eficacia, faciendo encaxar nel so marcu llegal la llingua que-y correspuende", afirma'l comunicáu.
Pa la Xunta la solución ye fácil y vien de reconocer que los asturianos y asturianes nun somos de segunda, asumiendo cómo son trataes otres llingües propies n'otres comunidaes del estáu, colos mesmos partíos políticos con representación que los que tien Asturies
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)