La Xunta Pola Llingua pide que se respete la denominación oficial 'Parador de Courias', y non Corias

OVIEDO, 18 Jun. (EUROPA PRESS) -

La Xunta pola Defensa de la Llingua Asturiana exixó esti martes que'l Parador de Courias, en Cangas del Narcea, respete esta denominación oficial, en cuenta de la de 'Parador de Corias', como figura nel ente Paradores de Turismo de España. Recuerda que Courias ye'l topónimu oficializáu dende'l 2008.

Al través d'una nota de prensa, la organización pide'l "cumplimientu de la toponimia oficial per parte de Paradores y reclama a la Conseyería de Cultura, a la Dirección Xeneral de Política Llingüística y al Conceyu de Cangas del Narcea que s'asegure'l so cumplimientu".

La Xunta pola Defensa de la Llingua Asturiana vien de contactar, delles selmanes atrás, col Ente Paradores de Turismu d'España S. A. pa que se rectifique "l'equivocu alvertíu na denominación del parador de Courias, que va abrise d'equí a poco nel conceyu de Cangas del Narcea. Al nun tener respuesta de momentu, vémonos nel imperativu de facer públicu'l fechu y d'informar a toles alministraciones implicaes na interpretación recta de la llexislación vixente.

Asina, recuerda que'l nome oficialmente reconocíu del llugar onde ta'l monesteriu que va facer les funciones de parador ye Courias (y non Corias, como recueye la páxina web del Ente).

"Recordamos que la denominación oficial ta fixada dende setiembre del 2008, nel decretu 89/2008 del Boletín Oficial del Principáu d'Asturies que recueye los nomes tradicionales del conceyu de Cangas de Narcea como los únicos válidos", apunta la nota.

De la mesma manera, a nivel estatal, l'Institutu Nacional d'Estadística encargaú del nomenclátor toponímicu yá fai constar na so documentación les denominaciones recoyíes nel BOPA.