UVIÉU, 14 de Xunu (EUROPA PRESS)
Tolos grupos con representación na Xunta Xeneral d'Asturies (XXPA) votaron esti vienres a favor d'una proposición non de llei del PP que solicita al Gobiernu que regule, nel plazu más cortu posible, la figura de porteru d'accesu, qu'incluyiría a los porteros de pubs y discoteques.
L'oxetivu, según esplicó'l defensor de la iniciativa, el diputáu Matías Rodríguez (PP), ye crear esa figura y determinar asina les condiciones o requisitos d'accesu al oficiu, asina como les relatives a les funciones que-yos correspuendan.
La diputada del PSOE Judit Flórez mostróse bien crítica col PP por vincular la so iniciativa a "socesos tráxicos", en referencia a la reciente muerte d'un home en Xixón, tres golpialu supuestamente'l porteru d'un karaoke. Sicasí, Judit Flórez mostróse abierta a meyorar la llexislación vixente y por eso'l so grupu votó a favor de la iniciativa del PP.
Votos positivos tamién se rexistraron nes files de Foru, onde la opinión ye qu'esti asuntu causa "alarma social" y el Gobiernu asturianu ha esclariar les funciones y les responsabilidaes. Tamién IU y el diputáu d'UPyD, Ignacio Prendes, apoyaron la proposición.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)