UVIÉU, 29 de Xineru (EUROPA PRESS)
L'exconseyeru d'Industria asturianu y exdirectivu de Mina La Camocha, Víctor Zapico, apaeció esti xueves na Xunta Xeneral en conociendo'l pidimientu de la so comparecencia pelos medios de comunicación, según esplicó a los periodistes en sede parlamentaria.
La mesa de la comisión acordó fixar la so citación pal próximu martes, 3 de febreru, a les 18.30 hores, dempués de qu'esti miércoles renunciara a contar cola so comparecencia ante la imposibilidá de llocalizalu pa la so declaración na investigación sobre la xestión n'Asturies de los denominaos Fondos Mineros y la supuesta fortuna tapecida del exsecretario xeneral del SOMA y exparlamentariu socialista José Ángel Fernández Villa.
Nos pasiellos de la Cámara asturiana, Zapico refugó ante los medios que se dixera "poco menos que taba fugáu" cuando vive a escasos metros de la Xunta Xeneral. "Con una llamada o una notificación yá viniera, como fice cuando m'enteré pelos medios", remarcó.
"Lo que tengo que dicir voi dicilo na comisión", señaló, deseando que "too s'esclare" y refugando entrar a valorar irregularidaes na xestión de los Fondos Mineros o'l posible orixe de la fortuna de Villa, col que reconoció tener "amistá", de la que vinculó a allucinaciones dalgunes de les acusaciones sobre él.
