El PP ve "insostenible" la situación política de Belén Fernández y pie que nun siga al frente de Soxepsa

José Agustín Cuervas Mons.
Europa Press
Publicado 14/06/2017 17:18:53CET

UVIÉU, 14 de Xunu (EUROPA PRESS)

El diputáu del PP na Xunta Xeneral José Agustín Cuervas-Mons, calificó de "insostenible" la situación política de la conseyera d'Infraestructures, Ordenación del Territoriu y Mediu Ambiente, Belén Fernández, dempués de conocer les conclusiones de l'auditoría realizada a la empresa pública Soxepsa.

Nunes declaraciones enviaes pol partíu, Cuervas-Mons sorrayó la necesidá de que'l Principáu diga qué va faer "d'una vez" con Soxepsa y determinar quién asume responsabilidaes polítiques pola xestión que'l PP "lleva denunciando años". "Los que xeneraron esta situación nun puen siguir al mandu de la sociedá", recalcó.

Sobro l'auditoría, criticó les limitaciones coles que s'alcontró al recoyer información. Nesti sen, criticó qu'hubo información que nun se pudo llograr "pola simple razón de que los directivos que taben antes al frente yá nun lo tán".

A ello súmase'l "agravante" de que l'auditoría contratóla la Conseyería de Facienda p'auditar una empresa pública del Principáu. "Ye de risa que nun se puea llograr información", señaló. Al marxe, afirmó que l'auditoría "nun confirma nada nuevo".

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies