La producción maderera cayó n'Asturies un terciu na última década y el sector estima que perdió unos 120 empleos

 

La producción maderera cayó n'Asturies un terciu na última década y el sector estima que perdió unos 120 empleos

Explotación Forestal En Asturias.
ASMADERA
Actualizado 09/11/2011 14:56:51 CET

UVIÉU, 09 de Payares (EUROPA PRESS)

La producción maderera baxó n'Asturies un terciu na última década, y el sector pudo perder nel mesmu periodu unos 120 empleos, frente a los 2.500 colos que cuenta nesti momentu. El marcu normativu "restrictivu" n'Asturies ye la principal razón d'esti descensu, señaláu poles empreses afectaes.

Asina lo aseguró esti miércoles Luis Enrique García, presidente de l'asociación Asmadera, qu'arrexunta al 80% de les empreses d'esta área económica n'Asturies. Compareció en rueda prensa, acompañáu pola abogada Pilar Martínez, pa dar a conocer la so opinión sobre la reciente sentencia del Tribunal Supremu que confirma l'anulación del Plan de Protección del Hábitat del Gallu Montés.

Martínez esplicó que'l sector pasó d'una producción de 900.000 metros cúbicos nel añu 2000 a los 650.000 actuales, a falta de conocer la liquidación del añu 2010.

En cifres económiques, taría ente siete y diez millones d'euros la baxada de producción en valor forestal. En términos d'empléu, los cálculos son de diez asalariaos por cada 20.000 metros cúbicos menos, los que sumaríen aproximadamente 120 puestos trabayu perdiós nesti periodu.

SENTENCIA DEL TS

Precisamente, García considera que la cayida productiva coincide cola aplicación "rigurosa" de normatives "restrictives", como'l referíu Plan de Protección del Hábitat del Gallu Montés, en vixencia dende'l 2003. El presidente d'Asmadera mostró la so satisfacción pola decisión del Tribunal Supremu del pasáu 14 d'ochobre, que confirma l'anulación per parte del Tribunal Superior de Xusticia d'esta normativa.

La decisión del TS basábase namás en trés aspectos, según esplicó l'abogada: la elusión, per parte del Gobiernu d'Asturies, d'ellaborar la figura del plan de recursos naturales pa l'aplicación de la señalada normativa; la non consulta a los afectaos pa ellaborala; y l'incumplimientu de la obligación de contestar a les alegaciones, "en claru despreciu a la llei", señala Martínez.

Sicasí, tanto la representante llegal como'l presidente del sector apuntaron les munches "restricciones" y "perxuicios" que dende'l so puntu de vista imponía'l Plan: la obligación de trabayar col pinu silvestre namás n'época ivernal (de setiembre a marzu) coles consecuentes inclemencies temporales, la non diferenciación de zones y non territorios, puesto que "tomaba tola zona interior"; la presentación obligatoria d'estudios d'impactu ambiental pa munches actividaes, la limitación de pistes forestales y cortafueos o la prohibición de cualquier actividá molesta pa la especie ente marzu y agostu", en palabres de la xurista.

García calcó na situación llegal d'Asturies nesti aspectu, "que nun se da n'otres zones d'España". "Ocupámonos muncho de normatives, de regular, de prohibir, de sancionar... pero naide s'ocupó del problema más grave del monte asturianu", que según l'empresariu madereru ye "la ordenación de la propiedá". "Con parceles de media hectárea ye imposible facer rentable una esplotación forestal", polo que dende'l so puntu de vista, "hai que buscar unidaes de xestión de tamañu abondo y nos terrenes apropiaos pa que tengan la mayor productividá, y sinón vamos falar de minifundios", acaba.

La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies