Renfe refuerza'l serviciu de cercaníes n'Asturies con 15 maquinistes

Tren Feve en Fonciello, Siero
DAMIÁN ARIENZA
Publicado 08/07/2016 17:05:43CET

UVIÉU, 8 de Xunetu (EUROPA PRESS)

El presidente de Renfe, Pablo Vázquez, aseguró esti vienres que la compañía ta reforzando los servicios de la rede de cercaníes col treslláu de 15 maquinistes, dempués de les cancelaciones y retrasos sufríos nes últimes selmanes. Según Vázquez, el serviciu lleva funcionando correctamente "dellos díes" y prevé que, col treslláu de los empleaos, meyore hasta que s'incorporen 33 nuevos maquinistes en setiembre al procesu de formación.

Asina lo treslladó a los medios dempués de reunise cola conseyera d'Infraestructures, Ordenación del Territoriu y Mediu Ambiente, Belén Fernández, y el delegáu del Gobiernu, Gabino de Lorenzo. Vázquez aseguró amás que Renfe prevé invertir un total de 34 millones d'euros.

En concreto, 23 millones van distribuyise ente los años 2016, 2017 y 2018 pa invertir en meyores nel caltenimientu de los trenes d'anchu métricu --los trenes de cercaníes--. Los once restantes van dir destinaos a meyorar los servicios n'estaciones igual de FEVE --seis millones--, como Renfe --5 millones--, en materia d'accesibilidá o megafonía.

Pela so parte la conseyera mostró la so satisfacción a la salida de la xunta polos compromisos alquiríos por Renfe. "Magar qu'en feches pasaes poníamos de manifiestu la nuesa absoluta desaprobación a les cancelaciones masives de servicios, güei tenemos que congratulanos de la respuesta y pol compromisu firme de Renfe de poner frenu de manera definitiva a la secuencia de cancelaciones", señaló.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies