Soria niega que'l Gobiernu adelantare'l fin de les ayudes directes al carbón

José Manuel Soria, ministro de Industria, Energía y Turismo
EUROPA PRESS
Actualizado 30/01/2013 15:41:52 CET

MADRID/UVIÉU, 30 de Xineru (EUROPA PRESS)

El ministru d'Industria, Enerxía y Turismu, José Manuel Soria, afirmó esti miércoles que'l Gobiernu "nun adelantó" la fecha d'acabación de les ayudes a les centrales térmiques pol usu del carbón nacional, pese a que podría facelo.

Soria esplicó que'l decretu de restricciones de garantía de suministru, aprobáu nel 2010, establecía como fecha llende d'estes ayudes el 31 d'avientu del 2014, pese a que la norma establecía qu'esa fecha "podía adelantase".

"Pero'l Gobiernu lo que decidió ye nun adelantala y dexar esa llenda nel 2014", insistió'l ministru en declaraciones a Onda Cero recoyíes por Europa Press.

El pasáu llunes, el conseyeru asturianu d'Economía y Empléu, Graciano Torre, denunciaba, tres un alcuentru col secretariu d'Estáu d'Enerxía, Alberto Nadal, que'l Gobiernu nun diba prorrogar el mentáu decretu, pol que s'incentiva la quema de carbón nacional nes centrales térmiques.

Torre espresó entós el so "abatimientu" por esta decisión del Gobiernu, al entender que va suponer "el zarru de la minería". Tamién indicó que Nadal comunicára-y el fin de les ayudes a la producción del carbón tamién nel 2015.