BILBO, 12 Ago. (EUROPA PRESS) -
Ostalaritza lokal guztiak eta Alde Zaharreko Saltzaileen Elkartea osatzen duten denden %80a irekita egongo dira Bilboko Aste Nagusian zehar, Elkarteak berak argitu duenaren arabera.
Eremu horretako establezimendu batzuk ekintza bereziak antolatuko dituzte egun horietarako. Foto Color Expres argazki dendaren kasua da, abuztuaren 22tik 29ra bitartean, poster bat oparituko diotena Marijaiarekin agertzen den 13 urtetik beherako haur baten argazki bat eramanez gero.
Bere aldetik, Bilboko Jai Alai enpresak "guante-laxoa" izeneko pilota jokoaren erakustaldi bat antolatuko du. Modalitate honen erakustaldiko partida Baztaneko pilotarien kargu egongo da eta abuztuaren 24an, asteazkenean, 12.00etan izango da.
Aste Nagusian zehar zerbitzuak eskainiko dituen ostalaritza lokalen eta komertzioen harremana Alde Zaharreko Saltzaileen Elkartearen web orriaren bidez ikusi ahal izango da.
