GASTEIZ, 21 Feb. (EUROPA PRESS) -
Arabako Foru Aldundiaren Gobernu Kontseiluak astearte honetan onartu du 1.191.000 euro inbertitzea Pertsona Fisikoen Errentaren gaineko Zerga, Ondarearen gaineko Zerga eta Sozietateen gaineko Zerga kanpainetan eta Zerga Ereduetan euskarri gisa erabiltzen diren informatika programak hobetzeko.
Ramiro Gonzalez ahaldun nagusiak zehaztu duenez, diru hori lau aurrekontu ekitalditan banatuko da, eta helburua da informatika sistemen zainketa hobetzea eta araudiak izan dituen aldaketetara egokitzea. Hain zuzen, 2017an 110.000 euro esleituko dira, 2018an 413.000 euro, 2019an 389.000 euro eta 2020an 279.000 euro.
Horiez gain, inbertsioaren xedea da zergen kudeaketa hobetzea eta ogasuna herritarrei hurbilaraztea, eginbideak bizkorrago eta eraginkorrago egiteko aukera emanez eta izapideak erraztuz.
