GASTEIZ, 24 (EUROPA PRESS)
Arabako Aldundiaren Diputatuen Kontseiluak astearte honetan onartu du 209.274.250,00 euroz hornitzea Arabako Toki Erakundeak Finantzatzeko Foru Funtsa. Dirutza hori 2017an zehar banatuko da lurraldeko kuadrilla, udalerri eta kontzejuen artean, eta 2016an banatuko zenbatekoa baino handiagoa da, orduan 189.000.000 euro banatu baitzituen.
Ramiro Gonzalez Arabako ahaldun nagusiak jakinarazi duenez, foru erakundearen Diputatuen Kontseiluak lehen hiruhilekoa ordaintzea ere onartu du. Hain zuzen, ordainketa hori ia 50.000.000 eurokoa da.
Zehazkiago, dirutza horretatik, 485.349,36 euro Añana, Aiara, Kanpezu-Mendialdea, Gorbeialdea, Guardia Arabako Errioxa eta Arabako Lautada kuadrillentzat izango dira, eta 49.256.482,86 euro Arabako udalentzat (horietatik 39.289.269,42 euro Gasteizko Udalarentzat).
