DONOSTIA, 25 Feb. (EUROPA PRESS) -
Arkautiko Akademiak, Gipuzkoako Foru Aldundiaren laguntzaz, suteak itzaltzeari buruzko oinarrizko ikastaro bat antolatu du biharko Sueskola Fundazioaren egoitzan, Ordizian. Gipuzkoako Babes Zibileko boluntarioei zuzenduta dago eta Sueskolako ikasleek emango dute.
Parte-hartzaileei sute baten aurka egin beharreko lehen pausuak erakustea da ikastaroaren helburua, Eusko Jaurlaritzako Herrizaingo Sailetik jakinarazi dutenez.
Ikasleek suaren inguruko oinarrizko ezagutzak jasoko dituzte eta baita sute bat prebenitzeko eta hari aurka egiteko neurriak hartzen ere ikasiko dute.
Ikastaroaren metodologiari dagokionez, lau orduko iraupena izango du eta goizeko 8:30etan hasiko da. Ikasgelan jasoko duten heziketa teorikoaz gain, ikasleek sua dagoen tokietan praktikak egingo dituzte, horretarako egokituko diren modulu batzuen bidez. Ikastaroan erabiliko den material guztia Sueskola Fundazioak jarriko du.
