BILBO, 22 Mar. (EUROPA PRESS) -
Bilboko Arriaga Antzokiak eta BBK-k elkarrekin egin duten lehenengo ekoizpen lirikoa aurkeztuko dute aste honetan BBK Aretoan: "El dúo de la africana" zarzuela. Emilio Sagiren zuzendaritza eszenikoaz eta Daniel Biancoren eszenografiaz, "Hurbiltasun Antzokia" egitasmoko ekoizpen honen estreinaldia gaur izango da, arratsaldeko 20:00etan. Gainera, martxoaren 23, 24, 25 eta 26an emanaldiak egongo dira ordu berean, eta martxoaren 27an, arratsaldeko 19:00etan.
Antolatzaileek adierazi dutenez, "El dúo de la africana" zarzuelaren musika-zuzendaritza eta pianoa Ruben Fernandez Agirreren esku egongo da. Arriaga Antzokiko zuzendari artistikoa den Emilio Sagi eta zuzendari artistikoaren ondokoa den Daniel Biancok lehenengo aldiz arduratuko dira BBK Aretoan zuzendaritza eszenikoaz eta eszenografiaz, hurrenez hurren arduratuko dira.
Talde artistikoaren zerrenda Genoveva Vidal figuringileak osatzen du. Diseinatzaile honen jantziak 1950eko hamarkada dakar gogora, operako soineko galantekin; hauez gain, indigena jantzi txundigarriez arduratu da.
"El dúo de la africana" zarzuelaren bertsio hurbilago bat da eta pianorekin interpretatuko da. "Hurbiltasun Antzokia" BBK Sala eta Arriaga Antzokiak elkarrekin egindako programaren barruan dago eta BBK Aretoan egongo da ikusgai.
Ekoizpen dibertigarri honek euskal artista ugari biltzen ditu, hala nola Ainhoa Zuazua sopranoa, Javier Tome tenorea eta Felipe Loza, Lander Iglesias, Itxaso Quintana, Gurutze Beitia, Loli Astoreka, Esther Velasco, Mitxel Santamarina eta Aritza Rodriguez aktoreak. Coro Rossini abesbatzaren laguntzarekin taularatuko da obra.
