av2" class="NormalTextoNoticia" itemprop="articleBody">
BILBO, 30 (EUROPA PRESS)
@asLAN elkarteak Tour Teknologikoaren edizio berri bat antolatu du asteazken honetarako, urriaren 1erako, Bilbon. Ekimen hau @asLAN elkarteak "konektatutako gizarte baterantz" abiatzeko teknologia berriak sustatu eta hedatzeko 2014rako jardueren planen barruan dago eta Telekomunikazioetako Ingeniarien Elkargoaren babesa du.
Halaber, sektoreko hainbat hornitzaileren babesa ere dauka, hala nola Huawei, Extreme Networks, EMC, F5 Networks, Dell-Intel, Meru Networks, RedHat, Schneider Electric eta Esprinet hornitzaileena. Aurten, eta lurralde mailan, hainbat erakunde laguntzaile izango dira bertan, besteak beste, Innobasque eta GAIA.
Parte hartuko dute agintarien artean daude Bizkaiko Foru Aldundiko Administrazio, Zerbitzu Orokor eta Berrikuntza Publikoko zuzendari nagusi Ibon Oñate, Bilboko Udaleko Zirkulazio eta Garraioen zuzendari Fernando González eta Euskadiko Telekomunikazioetako Ingeniarien Elkargoko dekano Alvaro Ubierna.
Ekitaldia erakunde handi eta txikietako eta ingenieritzako erakundeetako teknologia eta berrikuntzaren arduradunei dago zuzenduta, eta egitarau zabala eskainiko du: BYOD, haririk gabeko banda zabala (WiFi, WiMax, LTE), software bidez definitutako sareak (SDN), mahaigainetako birtualizazioa (VDI), mugikortasuna, komunikazio bateratuak, datutegiak eta abar izango dira hitzaldietan aztertuko diren gaietako batzuk.
Aurten, CxO TIC ekimena abiarazi da, eta Tour Teknologikoa ospatzen den hiri guztietan egongo da martxan. @asLAN elkartearen proiektu bat da, eta hlburu nagusi bat du: euren erakundeei teknologia berrien erabileran adimentsuagoak eta lehiakorragoak izan daitezen laguntzen dieten zuzendaritzako kideen (CEO, CIO, CMO,...) esperientziak zabaltzea, sarean pertsonek, gauzek, prozesuek eta datuek bat egiteren indarra aprobetxatuz. Bilboko Foroko solasaldian Eusko Jaurlaritzako Informatika eta Telekomunikazioen Zuzendaritzako eta Vasco Catalana Group erakundeko zuzendariek hartuko dute parte, besteak beste.
