Astelehenean hasiko da martxan Bidebusa herri barruko autobus zerbitzu berria Gernika-Lumon

BILBO 2 Sep. (EUROPA PRESS) -

Gernikarrek Bidebusa herri barruko autobus zerbitzu berria erabiili ahal izango dute datorren astelehenetik aurrera. Zerbitzua doakoa izango da lehen urtean, Gernika-Lumoko Udaleko (Bizkaia) Ingurumen Sailaren helburua ahalik eta herritar gehienek erabiltzea delako. Datorren urtean tarifa merke bat ezartzea aztertuko dute, eta baita publizitate-espazioaren bidez finantziazioa lortzea ere, Excursiones Urbano enpresari zerbitzuaren ordainetan ordaindu beharrekoa biltzeko.

Hala ere, Bidebusa Ingurumen Sailak eskuratu zuen eta, Udalarena denez, zerbitzu hori herritarrei askoz merkeago egingo zaiela adierazi du aurkezpenean Aloña Arronategi Ingurumen zinegotziak. Guztira, 182.000 euro kostatu da Bidebusa, eta hortik %75 IHOBEren diru-laguntzekin finantzatu da.

Bidebusa gaur aurkeztu dute Gernika-Lumoko Udaleko ordezkariek. Jendearen ikusminaren aurrean, autobus berriari buruzko azalpenak eman ditu Aloña Arronategi Ingurumen zinegotziak. Jose Mari Gorroño alkatea eta Jesus Mari Alberdi Zerbitzu Saileko zinegotzia ere bertan egon dira.

Horrela, astelehenetik ostiralera zortzi ordu ibiliko da, eta larunbat goizetan hiru orduz. Herritarren proposamenak aintzat hartuta zehaztu dute ibilbidea enpresak eta Ingurumen Sailak (uda hasieran herritarren esku egon ziren planoak eta orriak Kultur Etxean, herritarrek iradokizunak egin ahal izateko).