BILBO, 7 Ene. (EUROPA PRESS) -
Athletic Club 18. postuan sailkatu da Futboleko Historia eta Estatistikako Nazioarteko Federazioak (IFFHS) egin duen 2015. urteko futbol taldeen sailkapenean. Lehen postuan Bartzelona dago, Juventus eta Napoli talde italiarren aurretik.
Talde bilbotarra, joan den denboraldian Bartzelonari Espainiako Superkopa irabazi ondoren, Espainiako Ligako laugarrena da sailkapen horretan, Bartzelona, Real Madril eta Sevillaren atzetik, eta Atletico Madril, Vila-real edota Valentzia moduko taldeen aurretik.
Sailkapeneko lehen ehun postuak ikusita, nabarmena da Europako futbol taldeen nagusitasuna, ordezkatuta dauden 41 herrialdeetatik UEFAko 72 talde baitaude. CONMEBOLeko 18 (Hego Amerika), AFCko bost (Asia), CAFeko lau (Afrika) eta CONCACAFeko bi taldek (Ipar Amerika, Ertamerika eta Karibea) osatzen dituzte lehen ehun postuak; OFCko (Ozeania) talderik ez dago. Liga ordezkatuena Espainiakoa da, zazpi talderekin; seina talde dituzte Argentina, Ingalaterra eta Italiako ligek, eta bost Brasilekoak.
--IFFHS--REN 2015EK MUNDUKO FUTBOL TALDEEN SAILKAPENA
1.- BARTZELONA (ESP), 379 puntu.
2.- JUVENTUS (ITA), 286.
3.- NAPOLI (ITA), 268.
4.- BAYERN MÜNCHEN (ALE), 263.
5.- PARIS SAINT-GERMAIN (FRA), 257.
6.- REAL MADRIL (ESP), 241.
7.- CLUB INDEPENDIENTE SANTA FE (KOL), 240.
8.- FIORENTINA (ITA), 236.
9.- RIVER PLATE (ARG), 234,50.
10.- WOLFSBURG (ALE), 232.
...//...
18.- ATHLETIC CLUB (ESP), 210.
