cia" class="NormalTextoNoticia" itemprop="articleBody">
BILBO, 20 (EUROPA PRESS)
Bilboko Antzerki Unibertsitario eta Antzerki Eskolen I. Jaialdia egingo da uztailaren 10tik 15era Campos Eliseos Antzokian, Autore Fundazioak etra Anima Eskolak antolatuta. Izena ematen dutenen artean epaimahai batek sei onenak aukeratuko ditu parte har dezaten eta, zuzenean, sei horiek 250 euro jasoko dituzte hautatuak izateagatik.
Antolatzaileek adierazi duetnez, sari nagusiak ikuskizun onenari, egile edo moldatzaile onenari eta zuzendari onenari emango zaizkie. Gainera, emakumeen artean antzezpen onenari, gizonezkoen antzezpen onenari eta publikoak erabakitako lanari plaka bat emango zaie. Horrez gain, irabazleak udazkenean Campos Eliseos Antzokian obra antzezteko aukera izango du, eta lana grabatu egingo denez, euren lanaren bideo on bat jasoko dute.
Parte hartu nahi duten konpainiek antzezlanari buruzko dossierra, fitxa teknikoa, lan osoaren bideoa edo entseguaren 20 minutu gutxienez bidali beharko dituzte. Nahi duen orok gehienez bost minutuko trailer bat ere igo ahalko du jaialdiaren helbide elektronikora: bilbao@arteria.com. Horrez gain, jaialdiaren web gunean azaltzen den fitxa bete behar da.
Izena emateko epea apirilaren 20an amaituko da. Ekainaren 15ean jakinaraziko dira bost parte-hartzaileen izenak, jaialdiaren web gunean bertan.
Antolakuntzaren arabera, "lehenengo jaialdi honetan parte hartzea gazteen artean antzerkiaren kultura zabaltzeko eta aktore hasi berriak ezagutzera emateko aukera ezin hobea da".
