GASTEIZ, 30 Ene. (EUROPA PRESS) -
Ertzaintzaren agenteek 26 eta 35 urteko bi gizonezko atxilotu zituzten ostegunean Gasteizen, merkataritza establezimendu batean 90 eurotik gorako balioko garbitasun produktuak lapurtzeagatik, Eusko Jaurlaritzako Segurtasun Sailak jakinarazi duenez.
Ostegun goizeko 11:30 inguru zirela, Gasteizko Ali-Gobeoko supermerkatu batetik Ertzaintza joatea eskatu zuten, bi gizonezko atxikita zituztelako hainbat artikulu lapurtu ondoren.
Bertara joandako patruilako agenteei adierazi zieten inplikatuek 92 euroko balioa zuten garbitasun produktuen ontziak gordeta zituztela arropen artean eta establezimendutik irteten saiatu zirela.
Gertaera horiengatik eta bi gizonezkoek ez zituztenez beraien bizilekuari buruzko datu fidagarriak eman (aurrena A Coruñakoak zirela esan zuten, gero, berriz Logroñokoak zirela), ertzain etxera eraman zituzten atxilotuta. Biak epailearen aurrera joan beharko dute laster.
