BILBO, 11 (EUROPA PRESS)
Bilbao Ars Sacrum musika zikloak Aste Santuko giroan murgilduko du Bizkaiko hiriburua martxoaren 18tik 30era bitartean eta zortzi kontzertu eskainiko ditu Inkarnazio elizan, bakarlari, interprete, abesbatza eta izen handiko taldeekin. Lehenengo kontzertua Tölzer Knabenchor abesbatzak eskainiko du, Christian Fliegnerren zuzendaritzapean.
Bilboko Udalak jakinarazi duenez, sarreren prezioa lau eurokoa izango da eta salgai daude jada, zikloa antolatu duen Bilbao 700 Fundazioaren bulegoan, 10:30etik 18:30era, etengabe. Kontzertu guztiak 19:30ean hasiko dira, martxoaren 21ean eta 28an izan ezik, 20:30ean hasiko baitira.
Zikloaren aurttengo edizioan izango diren artista eta taldeen artean, Marta Ubieta sopranoa, Bermeoko Abesbatza, Bizkaiko Ganbera Orkestra, Slovak Sinfonietta Zilina orkestra, Karla Bytnarova mezzosopranoa, Otokar Klein tenorea, Nederlands Kamerkoor ganbera abesbatza, Acadèmia 1750 taldea, Barbara Kusa sopranoa eta Ensemble La Chimera taldea daude, besteak beste.
