BILBO, 31 Ene. (EUROPA PRESS) -
Bilboko Arte Ederren Museoak hobaridun tarifa berriak jarri ditu martxan, gazteei eta langabeei zuzenduta, artera gerturatzeko helburua errazteko asmoz, museo bilbotarreko arduradunek prentsa ohar bidez jakinarazi dutenez.
Horrela, museoak tarifa berriak finkatu ditu, gazteak artera gerturatzeko helburuarekin. Zehazki, datozen egunotan, 4,50 euroko tarifa murriztu berria aplikatuko zaie 25 urtetik beherakoei, eta horrela, euren adina ziurtatzen duen edozein egiaztagiri ofizial erakutsiz, asteko egun guztietan gozatu ahal izango dute hobariaz. Tarifa murriztu horrez gain, 25 urtetik beherakoek doako sarrera izango dute igandeetan, 14:00etatik 20:00etara.
Beste alde batetik, langabezian dauden pertsonentzako doako sarrera ere finkatu du museo bilbotarrak. Horretarako, bertaratzen diren langabeek egiaztagiri ofiziala aurkeztu beharko dute.
Hobari berri horiek bat egiten dute ohiko Museoaren Egunarekin (urteko asteazken guztietan), hain zuzen ere, egun horretan, sarrera doakoa baita jende guztiarentzat.
