BILBO, 14 Ene. (EUROPA PRESS) -
Bilboko Autonomia kaleko Maria Diaz Harokoaren eta Areiltza Doktorearen arteko zatiaren lehenengo bide-mozketa egingo da urtarrilaren 18, 19 eta 20ko gauetan, 00:00etatik 5:00ak arte, Bilboko Udaleko iturriek jakinarazi dutenez.
Basurtu eta Casilla artean tranbiaren A linea luzatuko denez, bide-zatia berriro urbanizatzeko egingo diren obrek eragin dute aldaketa. Lanak gauez egingo dira inguruneko auzokoentzako eragozpenak ekiditeko asmoz.
Halaber, bide-zati honetako mozketak dirauen hiru gauetan trafikoaren saihesbideak honako hauek izango dira: Basurturantz, Autonomia - Areiltza Doktorea - Egia Jenerala - Maria Diaz Harokoa - Autonomia;
Zabalbururantz, Autonomia - Trenbidearen etorbidea - Landin Doktorea - Autonomia.
