BILBO, 30 (EUROPA PRESS)
Euskotrenek aldaketa batzuk egingo ditu Bilboko eta Gasteizko tranbiako zerbitzuetan Aste Santuan antolatuko diren ekintzak direla eta, sozietate publikoak jakinarazi duenez.
Horrela, Bilbon, Aste Santuko prozesioen ondorioz, ostiralean eta larunbatean, apirilaren 2an eta 3an, alde bateko mozketak izango dira tranbiek zirkulazioan. Zehazki, zirkulazioa aldi baterako moztuko da Atxuri eta Pio Baroja geralekuen artean, arratsaldeko 19:30etik 21:30era. Gainerako zerbitzua ohi bezala ibiliko da.
Halaber, Gasteizen, apirilaren 2tik 10era bitartean kendu egingo da lanegunetako zerbitzu gehigarria, eta, beraz, kendu egingo dira ondorengo tranbiak: Gernikako Arbola-Angulema, 08:37koa; Wellington-Angulema, 08:46koa; Ibaiondo-Angulema, 12:35ekoa; Angulema-Ibaiondo, 08:57koa eta 09:04koa; eta Lovaina-Ibaiondo, 13:03koa.
Informazio gehiago behar duten erabiltzaileek Euskotrenen honako telefono zenbaki honetara dei dezakete: 902 543 210. Horrez gain, informazioa jaso dezakete geltokietan eta geralekuetan, www.euskotren.es webgunean eta @euskotrenEJGV Twitter gunean.
