BILBO, 16 (EUROPA PRESS)
Bilboko Portuak merkantzien 34,2 milioi tona mugitu zituen 2017. urtean, aurrekoan baino %7 gehiago. Portuko arduradunen aurreikuspena da %2 inguruko hazkundearekin bukatzea 2018. urtea eta 37,4 milioi tona mugitzera iristea 2022. urtean.
Hala jakinarazi du ostiral honetan izandako prentsaurrekoan Asier Atutxa Bilboko Portuaren presidenteak. 2017 "urte ona" izan dela nabarmendu du, eta negozio bolumena %5,47 hazi dela, 68,8 milioi eurokoa izan arte. Horrek ahalbidetuko du portuko tasetan 5,6 milioi euro arteko murrizketa izatea; murrizketa hori aurten hasiko da aplikatzen, eta ondoren, 2022ra arte pixkanaka ezarriko da.
Bilboko Portuak 2018an hasiko du bere plan estrategiko berriaren aldia, eta 2022ra arte luzatuko du. Planaren arabera, urtero %2,5eko hazkundea aurreikusi da merkantzien trafikoan, 2022an 37,4 milioi tonako mugimendua izan arte.
