BILBO, 18 Dic. (EUROPA PRESS) -
Euskotrenek Bilboko tranbiaren zerbitzu bereziak eskainiko ditu ostegun honetan, abenduaren 18an, Athleticek eta Alcoyanok San Mamesen gaueko 22:00etatik aurrera jokatuko dute Kopako partida dela eta.
Horrela, Atxuritik Casillara hamar minutuan behin izaten diren zirkulazioez gain, Euskotrenek Pio Barojatik Casillara irtengo diren zerbitzu bereziak eskainiko ditu 21:01ean, 21:21ean, 21:33an eta 21:43an.
Halaber, partidaren irteera modu egokian egiteko, 23:45etik 00:05era bitartean, gutxi gorabehera, tranbiaren zerbitzuaren mozketa partziala egingo da Casilla eta Euskalduna artean, Bilboko Udalak koordinatutako udal Emergentzia Planaren barruan.
Behin mozketa bukatuta, ohiko zerbitzua indartuko duten tranbiaren zenbait zirkulazio berezi martxan jarriko dira Ospitaletik/Casillatik Atxurira eta beste bat Atxuritik Casillara. Luzapena edo penaltiak egotekotan, zerbitzu bereziak partida bukatzen denean eskainiko dira. Unitate horiek geralekuetan egongo diren pertsona guztiak eramateko beharrezko lekuak eskainiko dituzte.
Bilboko tranbiarako sarrera errazagoa eta azkarragoa izan dadin, Euskotrenek ordaintzerakoan Barik erabiltzailea gomendatzen du. Informazio gehiago lortzeko asmoz, erabiltzaileek 902 543 210 telefono zenbakira dei dezakete, edo tranbiaren www.euskotren.es webgunea eta @euskotrenEJGV Twitter gunea kontsulta ditzakete.
