BILBO, 19 (EUROPA PRESS)
Bilboko Udalak 793.775 euroko balioa duten hitzarmenak sinatu ditu aurten hiriko adineko pertsonen elkarteekin, zentroetako ekipamendua finantzatzeko alde batetik, eta jarduerak garatzeko, zentroen jarduna burutzeko eta mantentze lanak egiteko bestetik. 2016an, Bilboko Udalak 839.211 euro bideratu zituen akordio hauetarako.
Horrela, Bilboko Udalak jakinarazi duenez, alde batetik, iaz bezala, 745.000 euroko aurrekontu saila dago adineko pertsonen 53 elkarteren jarduerak, jarduna eta instalazioen mantentze lanak finantzatzeko. Beste alde batetik, hiriko adinekoen 35 elkarteri laguntzeko 48.775 euro bideratuko dira, zentroetan obrak egiteko eta ekipamendua erosteko dira. Hiriko adinekoen elkarteentzako zuzeneko diru laguntza hauek Bilboko Udalaren osoko bilkuran onartu ziren.
Modu honetan, Gizarte Ekintza Sailak komunitatearen garapenerako, gizartearen partaidetzarako eta adinekoak sustatzeko dituen programen eta zerbitzuen bidez autonomia pertsonala eta bizi kalitatea sustatu nahi ditu, baita bizimodu osasuntsuko ohiturak eta zahartze aktiboa indartu ere.
