DONOSTIA, 21 (EUROPA PRESS)
Euskotren sozietate publikoaren Burdinbidearen Euskal Museoak lurrunezko trenen zerbitzu berezia eskainiko du Aste Santuan, eta, martxoaren 29tik apirilaren 2ra, lurrunezko bi tren jarriko dira martxan. Irteerak Azpeitiako instalazioetan (Gipuzkoa) izango dira, eguerdiko 12.00etan eta arratsaldeko 17.00etan.
Bestalde, Euskotrenek jakinarazi duenez, Aste Santuko egun guztietan jendearentzako irekiera ordutegi berezia ezarri du museoak, Pazko Astelehena barne. Eskuarki, astelehena Burdinbidearen Euskal Museoan asteko atseden eguna da, aipatutako Pazko Asteleheneko salbuespena izan ezik. Museoaren irekiera ordutegia, martxoaren 29tik apirilaren 2ra, honako hau da: 10.30etik 14.00etara eta 16.00etatik 19.30era.
Aste Santuaren ondoren, lurrunezko trenek asteburuetan eta jaiegunetan zirkulatzen jarraituko dute, azaroaren 4ra arte. Larunbatetan bi zerbitzu izango dira, eta bana igande eta jaiegunetan. Abuztuan eskaintza zabalduko da egunero, asteartetik ostiralerako lanegunetan diesel trakziozko tren historikoen bi zirkulazio eskainiz. Horrez gain, lurrunezko trena alokatzea zehazteko aukera ere badago.
