GASTEIZ, 26 Ene. (EUROPA PRESS) -
Eusko Jaurlaritzak espero du Chillida Leku Museoak bizi duen egoerari "laster" aurkitzea irtenbidea, 2010. urtea bukatzean bere ateak itxi ondoren, Blanca Urgell Kultura sailburuak adierazi duenez.
Prentsari eskainitako adierazpenetan, Urgellek gogoratu du bilerak izan direla Jaurlaritzaren eta Chillida familiaren artean, eta bi aldeen arteko harremanak "onak" direla nabarmendu du.
Gainera, Kultura sailburuak azpimarratu du "garrantzitsua" dela bi aldeek "bate bestearekiko konfiantza" mantentzea eta "komunikazioa gaiztotuko ez duten" xehetasunak ematea. "Hobeto da gure artean argitasunez hitz egitea", gaineratu du.
"Harreman ona dugu eta guztiok nahi dugu irtenbide bat aurkitu. Orain zehaztasunak ezartzea geratzen zaigu. Pazientzia behar dugu. Lortuko dugu, baina oraingoz ezin dut iragarri egoeran inolako aldaketarik dagoenik", azaldu du.
Bestalde, Eduardo Chillidaren seme Luis Chillidak azpimarratu du irtenbideak bilatzen ari direla. "Adostasuna bilatzen saiatzen ari gara, eta garrantzitsuena oinarri onak ezartzea dela uste dut. Epeak beharrezko direnak izango dira", adierazi du.
"Familiak fronte askotan lanean jarraitzen dugu. Beti daude gauza asko, eta konpromisoa dugu gure aitaren obrarekin, jendeak ezagutzea eta unibertsal bihurtzea", esan du.
