DONOSTIA, 3 Ene. (EUROPA PRESS) -
TripAdvisor (www.tripadvisor.es) bidaien webguneak argitaratu duenez, Donostia 2012ko munduko 15 helmuga turistikoa gomendatuenen artean dago, eta, hain zuzen ere, 12. gomendatuena da. Gainera, zerrendan agertzen den Estatu espainiarreko hiri bakarrra da.
Zerrenda azken urtean bidaiariek egindako iruzkinetan oinarrituta dago, eta 2012ra begira erabiltzaileen artean interes handiena piztu duten helmugak jasotzen ditu, Donostiako Udaletik jakinarazi dutenez.
Donostiarekin batera, zerrenda horretan agertzen dira, hurrenkera honetan, Tallin (Estonia), Riga (Letonia), Mosku (Errusia), Zurich (Suitza), Fethiye (Turkia), Seminyak (Bali, Indonesia), Vilnius (Lituania), Austin (Texas, AEB), Chania (Kreta, Grezia), Cahweng (Malaysia), Bordele (Akitania, Frantzia), Lyon (Frantzia), Essaouira (Maroko) eta Mendoza (Argentina).