DONOSTIA, 16 (EUROPA PRESS)
Donostiako Giza Eskubideen 15. Zinemaldiaren gazte epaimahaiaren hautagaiek aukeratuak izan diren egiaztatu dezakete jada, eta martxoaren 23ra arte dute epea parte hartzea baieztatzeko. Gazte epaimahaiaren kideak aukeratzeko zozketa ostegun honeta egin da, martxoaren 31tik apirilaren 7ra ospatuko den zinemaldiaren arduradunek jakinarazi dutenez.
Epaimahai gaztea osatuko duten 150 pertsona inguruk Giza Eskubideen Zinemaldian lehiara aurkeztutako film labur guztiak baloratuko dituzte, giza eskubideen gaineko sentsibilizazioa eta zinemagintzaren kalitatea kontuan izanik, Film Labur Onenaren Saria emateko. Gainera, horietako bik, Saharako errefuxiatu kanpamenduak ezagutzeko aukera izango dute 2018an, bertan FiSahara zinemaldia ospatzen dela eta.
Giza Eskubideen Zinemaldia Donostiako Udalak, Giza Eskubideen Atalaren bitartez, eta Donostia Kultura erakundeak antolatzen dute, eta 15. edizioa martxoaren 31tik apirilaren 7ra ospatuko da.
