BILBO, 6 (EUROPA PRESS)
Euskal Estatistika Erakundearen (Eustat) datuen arabera, %5,6 gehitu zen Euskal Autonomia Erkidegoko (EAE) industri produkzioa 2015eko ekainean aurreko urteko hil beraren aldean. Urteko lehen sei hilabeteetan industri jarduera %3,1 gehitu da, 2014ko aldi beraren aldean. Urtaroen eragina zuzenduta, %0,3 murriztu zen EAEko industri produkzioa, 2015eko maiatzaren aldean.
Horrela, ekaineko indizearen bilakaerak, 2014koaren aldean, aldakuntza positiboak izan ditu industriaren lau sektore handietan. Kontsumo ondasunak %5,4 gehitu dira guztira; kontsumo ondasun iraunkorrak %+30,8, eta ez iraunkorrak %-2,8. Ekipoondasunak
%11,1 gehitu dira, energia %1,9 eta bitarteko ondasunak %4,2.
Halaber, hil arteko emaitza, 2015eko ekaina maiatzaren aldean, positiboa izan da ekipo ondasunetarako (%0,6) eta bitarteko ondasunetarako (%0,2). Kontsumo ondasunak %3,1 jaitsi dira guztira; kontsumo ondasun ez iraunkorrek (%-5,0) izandako jaitsieragatik batez ere, kontsumo ondasun iraunkorrak %2,0 gehitu zirelarik. Energia, berriz, %0,7 jaitsi da.
Euskal industriako pisurik handieneko sektoreen arteko hazkundeak ekainean, urte artean garraio materialean %11,8; makineria eta ekipoan %8,7, eta zurgintza, paper eta arte grafikoetan %6,6 izan dira. Urte arteko jaitsierak nabarmenenak energia elektrikoa, gasa eta lurruna (%-2,1) eta kautxu eta plastikoak (%0,0) jasan dute.
Industri Produkzioaren Indizearen ekaineko urte arteko bilakaera positiboa izan da hiru lurraldeetan. Araban %2,8; Gipuzkoan %3,7; Bizkaian %9,0. Hil artean, 2015eko maiatzaren aldean: Araban %-2,2, Bizkaian %-0,6, Gipuzkoan %+1,1.
