BILBO, 8 Abr. (EUROPA PRESS) -
Euskal Autonomia Erkidegoko (EAE) Ekonomia eta Gizarte Arazoetarako Batzordeak (EGAB) Eusko Jaurlaritzako Herrizaingo Sailak igorritako Euskadiko Segurtasun Publikoaren Sistema Antolatzeko Legearen Aurreproiektuaren aldeko irizpena eman du. Lehenengo aldia da Herrizaingo Sailak araua edo arau-proiektua organo aholku-emailearen erabakiaren mende jarri duena.
Legearen xedea da modu sistematikoaren eta integralaren ikuspegitik baldintzak ahalbidetu eta oztopoak kentzera zuzendutako Herri Administrazioek igorritako xedapenen, prozeduren eta baliabideen multzoa konfiguratzea, pertsonek euren eskubideak eta askatasunak erabat egikaritu eta bizitza gizarte baketsuan, ongizatekoan eta kohesioarekin garatu ahal izateko.
Gainera, EAEko biztanleen eskubideak, askatasunak eta segurtasuna nahiz ondasunena eta ondare kolektiboarena eragotzi ditzaketen arriskuak murrizteko neurriak jaso dira. Horretarako, Lege berrian herri administrazio ezberdinak bildu ditu.
EAEko EGABren ustez, "positiboa" da aurreproiektuan segurtasun publikoaren sistema hobetu eta arrazionalizatzeko neurri ezberdinak jasotzea. Halaber, osagai hauek barnean hartzen ditu: Poliziaren eta Larrialdietako Euskal Agentzia; Segurtasun publikoaren zerbitzuen Koordinaziorako Sistema Bateratua, 112 larrialdietarako telefono-zenbakia, Segurtasun publikoa hobetzeko herritarren ekimenen bulegoa, Informatizaziorako Planak eta Programak eta Komunikazio sistemak; segurtasun publikoaren eremuko administrazioaren kontratazioa arrazionalizatzeko mekanismoak; eta segurtasun publikoaren tekniken berrikuntza eta garapena.
Halaber, erakundearen ustez, "positiboa" da baita segurtasunari buruzko arazoen konponketan biztanleek parte-hartzea. EGABren iritziz, modu horretan, biztanleek jasandako segurtasunik ezaren arazoen jatorria hobeto ulertu ahal izango da, eta aldi berean, herritarrek euren segurtasuna eraikitzeko erantzukizuna izango dute.
Aurreproiektuan, Poliziaren eta Larrialdietako Euskal Akademiaren sorrera jasotzen da, eta Euskal Herriko Polizia Akademiak orain arte betetako eginkizunak gauzatuko ditu. Bada, horren xedea Jaurlaritzak segurtasun publikoari begira ezarritako prestakuntza- eta hautespen-politika betearaztea da, bai Euskal Herriko Poliziaren eremuetan, bai babes zibilaren eta larrialdietarako eremuetan.
Puntu horretan, EGABek prestakuntzaren integrazioa nahiz horrek eragindako ekonomia- eta administrazio-kostuen arrazionalizazioa baloratuko ditu. Hori dela eta, azpiegituren sinergia eta aprobetxamendu orokorra ahalbidetuko dira, eta ondorenez, prestakuntza- eta ikasketa-baliabideen bikoiztasuna saihetsiko da.
