GASTEIZ, 20 (EUROPA PRESS)
Iker Casanova eta Leire Pinedo EH Bilduko legebiltzarkideek iragarri dute koalizio independentistak osoko zuzenketa aurkeztuko duela Eusko Jaurlaritzak aurkeztu duen 2017ko Aurrekontu Proiektuaren Eusko Legebiltzarreko eztabaida saioan, eta Jaurlaritzak eta PPk "Euskal Herritik kanpo sinatu duten akordio itxia eta isilpekoa" salatu dute.
Gasteizen eskainitako prentsaurrekoan, Casanovak eta Pinedok ziurtatu dute Jaurlaritzak ez zuela inolako asmorik Aurrekontuak EH Bildurekin negoziatzeko, eta "herri honen eskaerei erantzunik ez ematea" aukeratu duela. Horren ondorioz, "aurrekontu txarrak" izango direla azpimarratu dute. "Seguru aski, benetako iruzurra izango den zerga aldaketa baten aurrean gaude", salatu dute.
EH Bildurentzat, PPrekin hitzartzeko erabakiarekin, Eusko Jaurlaritzak "Espainiari eta eskuinari begiratu dio eta euskal gizarteari bizkarra eman dio". "Euskal Herritik kanpo PPrekin sinaturiko akordio itxi eta isilpekoaren aldeko hautua egin du", esan dute berriz.
