GASTEIZ, 21 (EUROPA PRESS)
ELA sindikatuak ordezkarien %40 eskuratu zituen 2016. urteko hauteskunde sindikaletan, LAB sindikatuak %19, CCOO Euskadik %18,8 eta UGT Euskadik %11. Gainontzeko sindikatuak oso urruti geratu ziren. Horrela, lehian zeuden 17.472 ordezkarietatik, ELAk 7.032 lortu zituen, LABek 3.319, CCOOek 3.286 eta UGTek 1.896.
Hauteskunde Sindikalen Kontseilu Orokorrak joan den urtean Euskal Autonomia Erkidegoan (EAE) egin ziren hauteskunde sindikalen prozesua aztertu du astearte honetan, eta lurralde batzordeek emaitzetan lortu dituzten akordioak berretsi ditu.
Lan Agintaritzak (Eusko Jaurlaritzako Lan eta Gizarte Segurantzako Zuzendaritza) eta ELA, LAB, CCOO eta UGT sindikatuetako ordezkariek osatzen dute Hauteskunde Sindikalen Kontseilu Orokorra, Eusko Jaurlaritzak jakinarazi duenez.