BILBO, 15 (EUROPA PRESS)
Eraikuntzaren koiunturaren indizea %0,1 murriztu zen Euskal Autonomia Erkidegoan (EAE) 2016. urtean, aurrekoaren aldean, laugarren hiruhilekoan %0,9ko hazkundea izan arren. Eraikuntzaren bi azpisektoreek bilakaera ezberdina izan zuten: Etxegintza %1,8 gehitu zen, eta Obra Zibila, berriz, %10 murriztu, Eustaten datuen arabera.
Esan bezala, iazko laugarren hiruhilekoan, lan egutegi homogeneoan eta urte artean, EAEko eraikuntzaren jarduera %0,9 nominala gehitu zen. Etxegintzan %3,2ko hazkundea izan zen, eta Obra Zibilean %12,2ko murrizketa.
Urtaroen eragina zuzenduta, 2016ko laugarren hiruhilekoan, Eraikuntzaren jarduera %0,4 murriztu zen, aurreko hiruhilekoaren aldean. Etxegintzak %0,3 egin zuen behera, eta Obra Zibilak %0,7.
Azkenik, Euskal Autonomia Erkidegoko Eraikuntza sektoreko enpleguak %0,1eko murrizketa izan zuen joan den urteko laugarren hiruhilekoan, hirugarrenaren aldean.
