Errenteriako Udalak Koldo Mitxelena XII. Ikerketa Beka abiarazi du

Europa Press País Vasco
Actualizado: sábado, 18 mayo 2013 12:49
Seguir en

DONOSTIA 18 May. (EUROPA PRESS) -

Koldo Mitxelena Ikerketa Bekaren 12. edizioa abian da. Errenteriako Udalak (Gipuzkoa) bi urtetik behin antolatzen duen ikerketa bekan parte hartzeko deialdia egin du, eta ekainaren 28ra arte izango da aukera eskaerak aurkezteko.

Bekaren helburua euskal kulturaren alderdi guztien -historia, artea, soziologia, antropologia, ekonomia, linguistika, literatura, etnologia, zuzenbidea eta humanitateak, oro har- gaineko ikerketa bultzatu eta sustatzea da.

Eskaeran zenbait arlo zehaztu beharko dira: lanaren ikerketa esparrua, aurrekariak eta gaiaren egungo egoera, ikertzailearen esperientzia, materiala eta metodologia, etab. Lana 12 hilabeteko epean egin beharko da, eta horretarako, Errenteriako Udalak 9.010 euroko laguntza (gordina) emango du.

Contenido patrocinado