DONOSTIA, 9 Feb. (EUROPA PRESS) -
Andoaingo (Gipuzkoa) Udaltzaingoak, Ertzaintzaren laguntzarekin, 19 urteko gizonezko bat atxilotu du gaur goizaldean, ustez etxebizitza batean lapurtzeagatik. Atxilotua balkoi batera igo da, eraikinaren horman eskailera bat jarriz, jabeak etxean ez zeudela aprobetxatuz, Eusko Jaurlaritzako Herrizaingo Sailak jakinarazi duenez.
Gertaera goizaldeko 4:00ak aldera jazo da, Andoainen. Agenteek, Aita Larramendi kaleko etxe baten aurrealdean eskailera bat hormaren kontra ikusi dute. Bertatik etxearen balkoi batean sartzeko aukera zegoen. Udaltzaingoak Ertzaintzari laguntza eskatu dio eta agenteak eskaileratik igo dira. Etxebizitzaren barruaan gizonezko bat ikusi dute, beltzez jantzita, lurrean botata.
Agenteek lurretik altxatzeko esan diote eta bere gauzen artean kristalak apurtzeko mailu bat, zizel bat, palankatxo bat eta beste hainbat erreminta topatu dituzte. Gizonezkoa atxilotu dute lapurreta delitu bat egotzita, eta polizia egoitzara eraman dute epailearen esku jarri arte.