BILBO 2 Ene. (EUROPA PRESS) -
Bilboko Udalak aurrera jarraitzen du ETAk joan den asteazkenean Bami eraikinaren aurka egindako atentatuan sortutako hondakinak biltzeko lanekin, eta lauzpabost egun barru egoera normaltasunera itzul daitekeela aurreikusi du.
Gaur goizean (8:00etatik 12:00etara), Bilboko Udaleko Garbiketa Zerbitzuko lantalde berezi batek 22 tona beira eta hondakin bildu ditu guztira, eta atentatuaren egun berean, bost tona hondakin batu ziren.
Bilboko Udalaren helburua da gaur bertan kalea garbi uztea, eta horretarako, 15 edo 20 tona hondakin gehiago bilduko dutela aurrikusi dute. Horren ondorioz, Bilboko suhiltzaileek banan banan erauzi beharko dituzte eraikinaren egiturari itsatsita geratu diren beira-zatiak, kalera erori eta ezbeharren bat eragiteko aukera gerta ez dadin.
Fatxadako beira-zatiak kentzeko lanak eta honen ondorioz sortuko diren hondakinen bilketa direla eta, garbiketa lanek gutxienez beste lauzpabost egun iraungo dutela aurreikusi dute.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)