EUSKADI.-Bizkaiko sei eleberri eta Nafarroako bost daude Nadal Sarirako 274 hautagaien artean

BARTZELONA 2 Ene. (EUROPA PRESS) -

Munduko toki ugaritik helduriko 274 eleberri daude Nadal Sarien LXV. edizioko hautagaien artean. Horietatik sei lan Bizkaiko egileenak dira, eta beste bost Nafarroatik aurkeztu dira. Saria emateko afaria datorren asteartean ospatuko da, urtarrilaren 6an, Bartzelonako Avenida Palace hotelean.

Sarira aurkeztu diren eleberriek ikuspegi oso anitzak eskaintzen dituzte, irudimena, intriga eta amodioa izanik elementurik ohikoenak, Destino argitaletxeak jakinarazi duenez.

Argitaletxeak Madrilgo 58 obra jaso ditu, Bartzelonako 53, Valentziako 19, Sevillako 12, Alacanteko hamar, Segoviako zortzi, Bizkaia, Malaga eta A Coruñako seina, Nafarroa eta Murtziako bosna, Almeria, Tenerife eta Tarragonako launa, Granada eta Salamancako hiruna, Jaen, Pontevedra, Girona, Mallorca eta Valladolideko bina, eta Cadiz, Santander, Oviedo, Lleida eta Zaragoza bana.

Halaber, Frantzia, Alemania, Ameriketako Estatu Batuak (AEB), Argentina, Txile, Brasil, Kolonbia eta Perutik helduriko idazlanak ere jaso ditu sariketaren antolatzaileak.

German Gullon, Lorenzo Silva, Andres Trapiello, Angela Vallvey eta Destinoko editorea den Emili Rosalesek osatuko dute epaimahaia. Joan den urteko eleberri irabazlea Francisco Casavellaren "Lo que se de los vampiros" izan zen, eta Eva Diaz Perezen "El club de la memoria" finalista.