BILBO 31 Dic. (EUROPA PRESS) -
Capsula talde argentinar-bilbotarrak datorren otsailean argitaratuko du bere bigarren diskoa, eta berritasun batekin kaleratuko du gainera, BCore diskoetxeko bartzelonarra izango baita lana plazaratzeko arduraduna, taldeko iturriek Europa Press-i baieztatu diotenez.
Taldeak New Yorkeko Hed estudioan nahastu eta masterizatu du disko berria eta guztira, 12 abesti bilduko ditu, besteak beste, "Sun Shaking", "Magnetic Brain", "Reflections Of You (th)", "Girl! Whip Up The Sound!", "Rising Mountain", "Original is Dead", "Fighting With Tigers", "Wild C", "Love You Richards" edota "Devil Is Waiting Like A Dog". Gainera, bi abesti gehiago izango dituen binilozko bertsioa ere izango du lan berriak.
Azken asteetan Frantzian, Ingalaterran eta Alemaniako Popkomm azokan kontzertuak eskaini ondoren, urte berriarekin, Malagan joko du taldeak, urtarrilaren 23an, eta astebete beranduago, 31n, Bermeon, martxoan Portugalen zehar bira bati ekiteko. Horrela, Portugalen lau kontzertu eskainiko dituzte: Coimbran, Portalegren, Lisboan eta Porton. Gainera, 2009rako birak ari dira prestatzen AEBn, Kanadan eta Espainian zehar, otsailean argitaratuko den disko berria aurkezteko asmoz.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)