BILBO, 20 Ene. (EUROPA PRESS) -
Eroski Fundazioak, Elhuyar Fundazioak eta Euskaltzaindiak antolatuta, "Corpusgintza gaur egun" izeneko mintegia egingo da bihar Euskaltzaindiaren egoitzan, Bilbon. Mintegia Eroski Fundazioaren 40. urteurrenaren karietara antolatu da, Euskaltzaindiko iturriek jakinarazi dutenez.
Hizkuntzalariei, hizkuntzalaritzako irakasle eta ikasleei, ngeniaritza linguistikoan aritzen diren ikertzaile eta enpresei, eta tzultzaileei eta itzulpen-enpresei dago zuzenduta mintegia. Helburu bikoitza du topaketak: batetik, corpusgintzak hizkuntzalarientzat duen garrantzia azpimarratzea, eta bestetik, euskarazko corpusak eta corpus eleaniztunak gaur egun zer egoeratan dauden azaltzea.
Jardunaldian, Euskal Herriko nahiz Espainiako hainbat adituk hartuko dute parte, besteak beste, Andoni Sagarna (Euskaltzaindia), Xavier Gómez Guinovart (Informatika Linguistikoaren Mintegiko arduraduna, Vigoko Unibertsitatea), Miriam Urkia (Euskaltzaindia), Igor Leturia (Elhuyar Fundazioa) eta Edurne Martinez (Eleka Ingeniaritza Linguistikoa).
