DONOSTIA, 10 Jun. (EUROPA PRESS) -
Donostiako Zinemaldiko iazko edizioko Zabaltegi sailerako egindako kartela The Hollywood Reporter erakundeak urtero ematen dituen 'Key Arts' sarietarako hautagai izendatu dute.
'Key Art Awards' sariak zinema munduko diseinu eta marketin alorreko sari garrantzitsuenak dira eta urtero ematen dira, Los Angelesen (AEB). Aurtengo sari-emate ekitaldia ostiral honetan izango da, hiri hartako Museum of Contemporary Art delakoan, Donostiako Zinemalditik gaur jakinarazi dutenez.
Zinemaldi donostiarreko aipatutako kartela Oscar Marinek eta OMB Diseño y Comunicacion Visual enpresak sortua da, eta 'Theatrical Print-Festival Posters' kategorian lehiatuko da, AEBetako hainbat jaialditako kartelen aurka: Sports Film Festival, Seattle Lesbian and Gay Film Festival, Ion International Film Festival eta Los Angeles Short Fest.
