BILBO, 27 Jul. (EUROPA PRESS) -
Euskalmet Meteorologiaren Euskal Agentziaren iragarpenaren arabera, bihar hodeiekin hasiko da eguna baina azkar batean giro eguzkitsua geratuko da eta tenperatura epelenek gora egingo dute.
Goizean goiz hodeiak urritzen joango dira, eguzkia bistan izango da eta gogotik berotuko du, barnealdean batik bat. Ipar/ipar-ekialdeko haizea ibiliko da. Tenperatura igo egingo da, eta barnealdean 30-33 graduren bueltan ibiliko dira balio beroenak.
Itsasoan, eki-osagaiko haizea ibiliko da bihar, ipar-ekialdekoa nagusituz arratsaldean, 3ko indarrarekin eta 4ko tarteekin, eta itsaskirria eragingo du, itsaskiko guneekin. Ipar-mendebaldeko hondoko itsasoak 1,5 metro inguruko olatuak altxatuko ditu; arratsaldean gutxitu eta metro bateko ingurukoak izango dira.
Uraren tenperatura 21 gradukoa da eta ikus-eremua hamar kilometrotik gorakoa izango da. Itsasgorak 7:54an eta 20:20an izango dira, eta itsasbeherak, 1:39an eta 13:56an.
