Aviso: Esta noticia tiene más de un año. Última actualización: 10/11/2009 07:03
Euskalmet Meteorologiaren Euskal Agentziaren iragarpenaren arabera, gaur eguerdian fronte bero batek euria utziko digu. Goizaldean euririk egingo ez duen arren, goizetik aurrera euritara joko du berriro, bereziki egunaren erdiko orduetan, eta erruz egingo du gainera.
Haizea mendebal/hego-mendebaltik ipar-mendebaldera aldatuko da eta bolada zakarrak izango dira. Tenperatura maximoak atzokoak baino 2-3 gradu altuagoak izango dira.
Itsasoan hego/hego-mendebaldeko haizea ibiliko da, hiruko indarrarekin. Lehenengo bi milietan itsaso kizkurra eragingo du, eta gainontzeko lekuetan itsaskirria. Eguerditik aurrera mendebal/ipar-mendebaldera aldatu eta bosteko indarra hartuko du; orduan itsaski handia eragingo du. Ipar-mendebaldeko hondoko itsasoak bi metroko olatuak altxatuko ditu.
Uraren tenperatura 16 gradukoa da eta ikus-eremua bat eta lau kilometro artekoa izango da. Itsasgorak 9:31n eta 22:24an izango dira, eta itsasbehera, 15:52an.