Aviso: Esta noticia tiene más de un año. Última actualización: 09/02/2010 07:02
Euskalmet Meteorologiaren Euskal Agentziaren iragarpenaren arabera, gaur hotzaldi bat hasiko da eta elurra maila baxuetan egingo du. Goizean batez ere, giro euritsua izango da eta elur-kota 700 metrora jaitsiko da eguerdian. Arratsaldean euria noizean behin egingo du eta elur-kota 500 metrora jaitsiko da azken orduetan. Iparraldeko haizea ahul-bizia ibiliko da eta tenperatura jaitsi egingo da.
Itsasoan, ipar-osagaiko haizeak, 3-4ko indarrarekin, itsaskirria edo itsaskia eragingo du, eta ipar-mendebaldeko hondoko itsasoak 1,5-2 metro inguruko olatuak altxatuko ditu.
Uraren tenperatura 11-12 gradukoa da eta ikus-eremua bat eta lau kilometro artekoa izango da. Itsasgora 13:08an izango da, eta itsasbehera, 18:39an.