BILBO 2 Ene. (EUROPA PRESS) -
EuskoTranek Bilboko tranbiaren zerbitzuaren maiztasuna areagotuko du igandean, San Mamesen 17:00etan hasita Athletic Club eta Espanyol futbol taldeen arteko partidara doazen pertsonen joan-etorri beharrak betetzeko, konpainiak prentsa ohar bidez gaur jakinarazi duenez.
Horrela, 15:30ak eta 17:00ak bitartean, hamar minutuko maiztasuna eskainiko die EuskoTranek erabiltzaileei. Horrez gain, konpainiak beste hiru zerbitzu berezi jarriko ditu Pio Barojatik Basurtorantz, 16:16an, 16:26an eta 16:36an.
Norgehiagoka amaitu ondoren, EuskoTranek Basurto, San Mames eta Sabino Arana geralekuetatik Atxuriko noranzkoan tranbiaren hiru zerbitzu berezi eskainiko ditu igandeetako ohiko zerbitzua indartzeko. Unitate berezi horiei eta igandeetako ohiko zerbitzuei esker geraleku horietan dauden bidaiari guztiak eraman ahal izango dira.
Tranbiarako sarrera errazagoa eta azkarragoa izan dadin, EuskoTranek ordaintzerakoan Creditrans erabiltzea gomendatzen du. Argibide gehiago eskuratzeko erabiltzaileek informazio telefonora deitu edota konpainiaren webgunea kontsulta dezakete: 902 543 210 eta www.euskotran.es.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)