BILBO, 2 Mar. (EUROPA PRESS) -
Samuel Sanchez eta Koldo Fernandez de Larrea izango dira Euskaltel Euskadi taldearen buruak martxoaren 9tik 16ra jokatuko den Paris-Nizaren 68. edizioan. Haiekin batera, por Egoi Martinez, Gorka Verdugo, Ivan Velasco, Beñat Intxausti, Mikel Nieve eta Romain Sicard ere egongo dira irteeran.
Igor Gonzalez de Galdeanoren kirol zuzendaritzapean, Euskal Herriko Itzuliari begira Sanchez nola dagoen jakiteko balioko du lasterketa frantsesa. Bere aldetik, Fernandez de Larrea sprintean duen abiadura baliatzen saiatuko da garaipenen bat lortzeko.
Halaber, Euskaltel Euskadi taldeak beste hitzordu garrantzitsu bat dauka Italia aldean, historia handiko beste bi frogatan: Tirreno-Adriatiko eta Milano-San Remo. Horrela, Tirreno-Adriatikon, martxoaren 10etik 16ra, Ruben Perez, Pablo Urtasun, Alan Perez, Iñaki Isasi, Aitor Hernandez, Juanjo Oroz, Amets Txurruka eta Jorge Azanza txirrindulariek parte hartuko dute.
Martxoaren 20an jokatuko den Milano-San Remoren 101. edizioari dagokionez, aldaketa bat izango da, Aitor Hernandezek bere tokia utziko baitio Koldo Fernandez de Larreari. Gorka Gerrikagoitia izango da kirol zuzendaria bi lasterketa italiarretan.
