Foto: Europa Press
BILBO, 3 (EUROPA PRESS)
Euskal Autonomia Erkidegoak (EAE) 167.374 langaberekin bukatu du 2013. urtea, abenduan azaroan baino 7.326 gutxiago (%-4,19) izan ondoren. Horrela, 2012an baino 1.709 langabe gutxiago izan dira bukatu berri den urtean (%-1,01), Espainiako Gobernuko Enplegu eta Gizarte Segurantzako Ministerioak jakinarazi dituen datuen arabera.
Lurraldeka, Gipuzkoak 46.612 langaberekin bukatu du urtea, hil artean %5,28 eta urte artean %2,26 jaitsita. Bizkaian, langabeziaren hil arteko jaitsiera %3,92koa izan da, eta urte artekoa %0,89koa, eta horrela, 93.964 langaberekin amaitu du urtea. Araban 26.798 langabe izan dira urtea bukatzean, hil artean %3,24 jaitsi ondoren; urte artean, aldiz, %0,80 igo da langabezia.
Halaber, Euskadiko enpleguko zerbitzu publikoetan abenduaren amaieran erregistratuta zeuden 167.374 langabeetatik 82.528 gizonezkoak eta 84.846 emakumezkoak izan dira. Gainera, 10.216 langabe 25 urtetik beherakoak izan dira, eta 22.642 atzerritarrak.
Sektoreka, Eraikuntzan 173 langabe gehiago izan dira abenduan, guztira 19.528 izanik. Zerbitzuetan 5.592 langabe gutxiago izan dira 2013ko azken hilabetean, eta guztira 105.534 daude. Industrian, 106 langabe gutxiagorekin, 25.072 daude guztira, eta Nekazaritzan 3.108, abenduan 58 gutxiago izan ondoren. Aurreko enplegurik gabeko kolektiboan 1.743 langabe gutxiago izan ziren abenduan, eta guztira 14.132 daude.
KONTRATAZIOA
Bestalde, Euskal Autonomia Erkidegoan 56.198 kontratu egin dira abenduan, hau da, azaroan baino 1.233 gehiago (%2,24) eta 2012ko abenduan baino 5.449 gehiago (%10,74).
Lurraldeka, Bizkaian 31.270 kontratu egin dira abenduan, azaroan baino %7,01 gehiago; Araban 9.319 egin dira (%-5,88), eta Gipuzkoan 15.609 (%-1,48). Azken 12 hilabeteetan, kontratazioaren bilakaera positiboa izan da EAEko hiru lurraldeetan: %17,72 Araban, %10,66 Bizkaian eta %7,10 Gipuzkoan.
Euskadin abenduan egindako kontratu gehienak aldi baterako izan dira (52.957), hau da, azaroan baino %2,67 gehiago eta 2012ko abenduan baino %12,36 gehiago. Kontratu mugagabeak, berriz, 3.241 izan dira, hots, azaroan baino %4,20 gutxiago eta iazko abenduan baino %10,37 gutxiago.
