BILBO, 18 Oct. (EUROPA PRESS) -
Euskadiko Orkestra Sinfonikoa (EOS) Bordelera joango da asteazken honetan, eta bi kontzertu eskainiko ditu Bordele Akitaniako Orkestra Nazionalaren denboraldian, gonbidatu gisa. Emanaldiak ostegunean eta ostiralean izango dira, urriaren 19an eta 20an, Bordeleko Auditoriumean. Vladimir Kulenovicen zuzendaritzapean, Jean-Frederic Neuburger pianista izango da bakarlari gonbidatua.
Bi kontzertuetako egitaraua osatzen duten obrak, N. Rimski-Korsakoven "Capricho español" eta "Sheherazade", eta M. Ravelen Pianorako kontzertua (ezker eskua) izango dira. Ezker eskurako kontzertua jotzeko, euskal orkestrak Jean-Frederic Neuburger frantsesa izango du lagun. Kulenovic eta Neuburger duela gutxi aritu ziren lehen aldiz EOSekin, irailean Donibane Lohitzunen aritu baitziren elkarrekin, Ravel Jaialdian emandako kontzertuan.
