BILBO, 23 (EUROPA PRESS)
Euskal Herriko Mugimendu Feministak manifestazioak antolatu ditu hiriburuetan larunbatean, Indarkeria Matxistaren aurkako Nazioarteko Eguna ospatzeko, eta "Zure egia gurea egiten dugu" mezua zabalduko du kaleetan.
"Gure hitza zalantzan jartzen duten detektibeen dossierren gainetik, justizia egiten ez duten epaitegien gainetik, gure bizipenak ukatzen dituzten jendartearen errelatoen gainetik, hainbat komunikabideren morbo eta egiturazkoa den biolentzia matxistaren desitxuratzearen gainetik,
zure egia gurea egiten dugu, elkarri aitortzen eta sinisten diogu", adierazi du mugimendu feministak prentsa ohar bidez.
Horrela, larunbatean manifestazioak antolatuko ditu Euskal Herriko hiriburuetan: Gasteizen, 18:30ean abiatuko da, Andre Mari Zuriaren plazatatik; Iruñeko Gaztelu plazan 20:00etan hasiko da martxa; Bilbon Jesus Bihotza plazatik ekingo diote, 18:30ean; Donostian, 19:00etan irtengo da martxan, Bulebarretik, eta Baionan udaletxean hasita egingo dute manifestazioa, 11:00etan.
