BILBO, 11 Ene. (EUROPA PRESS) -
Saregin eta Kai-neskatilen Euskadiko Elkartearen bilera orokorra egingo da Bermeoko (Bizkaia) Nestor Basterretxea aretoan larunbat honetan, urtarrilaren 12an, eguerdiko 12:30etatik aurrera.
Elkartea euskal kostaldeko inguruketa-arrantzako 58 saregilek eta neskatilek osatzen dute, eta horiek guztiak egongo dira ekitaldian. Bermeo, Lekeitio, Ondarroa, Getaria, Orio eta Hondarribiako saregileez gain, Eusko Jaurlaritzako Arrantza zuzendari Leandro Azkue ere bertan izango da.
Kolektiboarentzat hobekuntza sozio-laboralak lortzeko egin diren jarduerak eta lan duin bat izan dadin egindako ahalegina aztertuko dira bileran. Halaber, 2013an egin beharrekoak zehaztuko dira eta zuzendaritza batzordea eta presidentea hautatuko dira.
Elkarteko iturriek jakinarazi dutenez, 2013ko bere erronken artean daude gaixotasun profesionalak aitortzeko ekintzak garatzea, koefiziente murriztaileen aplikazioa, arrantza sektoreko egitura ezberdinetan emakumea sartzea eta erkidego, estatu eta Europa mailan hainbat sareetan integratzea eta antzeko erakundeekein elkarlana sustatzea.
